Сусьветны паварот. Гэта месца ці духоўная падзея? Што вы шукаеце, людзі, калі ходзіце да так званага Сусьветнага павароту. Думаеце, што пад камянямі ўтоена духоўная падзея?
Блазны! Многа сусьветных паваротаў было з пачатку гэтага стварэньня. Першы настаў з прыходам чалавека на Зямлю, бо тым рэчыўнасьць адухавілася і настаў паварот у яе разьвіцьці. Гэты адзіны сусьветны паварот быў таксама і жаданы. Усе наступныя, людзі, вымусілі вы самі!
Неўзабаве па тым, як прыйшлі сюды, вы заняпалі і тым выклікалі сусьветны паварот, замест разьвіцьця ўгору павярнулі сваё разьвіцьцё дадолу.
Праз многа мільёнаў гадоў настаў новы паварот. У Вышынях Маладзік пачаў рыхтавацца да апошняе падзеі. Было гэта многа тысяч гадоў таму. Грубарэчыўна той паварот на вашай Зямлі выявіўся патопам. Біблійны патоп — гэта патапленьне Атлянтыды, а адзін чысты, Ной — гэта Бог у Абд-ру-шыне, які пэўнаю рукою вёў ратавальны карабель. І таму Белая Галубіца сьмела знайсьці ачышчаную Зямлю.
Прайшло некалькі тысячагодзьдзяў, і настаў новы сусьветны паварот. Маладзік выйшаў з Замка ў кірунку грубарэчыўнае Зямлі. І тое грубарэчыўна выявілася, Люцыфер тады праваліўся ў найглыбейшую цемру.
Больш за тры тысячы гадоў таму настаў новы сусьветны паварот. Маладзік інкарнаваў на Зямлі ў Абд-ру-шыне. Сусьветны паварот, які тады настаў, выявіўся ня толькі вызваленьнем габрэяў зь няволі, але перадусім тым, што ўпершыню Слова прыйшло на Зямлю! Бытнасныя і духоўныя былі тым так умацаваныя, што многія зь іх пераступілі праз свой цень.
Празь некалькі соцень гадоў з прыходам на Зямлю Сына Божага Езуса настаў новы сусьветны паварот. Першы і адзіны раз на Зямлю прыйшоў Пасланец, які сам быў часткаю Слова Альфа і Омэга. Грубарэчыўна сусьветны паварот выявіўся нянавісьцю, забойствам Бога!
Прайшлі стагодзьдзі, пакуль настаў новы сусьветны паварот. У цемры быў зьвязаны Люцыфер. Грубарэчыўна гэта выявілася такім пабольшаньнем зла, пра якое ніколі не маглі нават і падумаць.
Зноў мінулі гады. На Зямлю прыйшоў Сын Чалавечы. Зноў настаў сусьветны паварот, настаў суд. Некалькі гадоў былі дадзены людзям, каб яны паказалі ў судзе, якія яны.
Зьмянілася тысячагодзьдзе, і настаў апошні сусьветны паварот у гэтым стварэньні. Была адкрыта рына, каб ачысьціць духаў!
—
Кнігу «Людзям» можна вольна сьцягваць і шырыць.